中篇都有講，請了村中人食飯，村中係唔洗各自出帖架，出一大張放到告示牌就得架啦! 所以冇一個實際數量嘅! 原本訂左15圍，後來大女話d姊妹會來， 所以開多枱 ，一共16圍! 但最後d姊妹兄弟冇一個到來…………又開少枱……
因為這原因邊個來都唔知，11點到有個稀客到來，係大我老公一年的亞叔，佢地後生成日一齊玩的，但e幾年佢好忙，都好少見，每次見到我都有傾有講，佢的來到真好，姪孫結婚喎! 但佢冇等到開席就走啦!
到了3時開席…… 我家門口只可擺到4圍… 其他都係在老爺家的禾堂擺……
當日個天都對我們好好，散席後不到10分鐘，落了一場幾小時的大雨…… 真好彩!
2013年11月24日
回門，順便讌請村中父老，出門當日並未請村中人到酒樓，如果請去酒樓只會請一家一個，但我又唔想有d有，有d冇得去，同大女商量過佢都話好，費事老人家舟車勞頓，亦可以見證結婚…
在到會篇中都有講寫左菜單……
到會人員一早已經搬哂用具到來……
