去年這些時后, 一定有一條人龍在等候買書, 但當時一個人都冇, 我們交了書單, 取書連比錢都唔洗十分鐘. 今年是否經濟太差, 個個都等出了糧才買書呢!
其實我個大女和二女自從中二開始都是用舊書, 每年都是這樣, 除非是改版或是改用新出版社. 舊書都是在學校學生會中購買價前低廉, 每本大概都是30-40元, 用舊書一來可以環保d, 二來可以減低買書費, 一舉兩得.
以前大女小學重好, 書要買但只放在家中溫習, 在學校是用上一年師兄的舊書, 等待自己升級后, 在家的舊書就捐給學校作下一年學弟之用.
但現在d 小學都唔提倡這樣的方案, 只是把書全部帶回校或者是放在學校中, 考試咪又要全部揹回家.....d 書包好重架老師和校長!
而且舊書檔這兩年唔知道點解d 舊書的價格是用新書單中的一半囉! 無論花面猫, 好新都是一半!
亞仔每年都唔知道幾時開始賣舊書, 所以從去年起都直接和他們的師姐買 (她們都是羽毛球隊員), 都是給半價, 但我覺得直接d 好d, 餘下d錢又可以買校服, 鞋襪呀!
