出閣-中

攝影師到家來拍d 相先，又叫我同大女着左掛先，所以我同大妗同學在房幫女着掛，又叫佢試下跪下，睇下會唔會跪唔到……

攝影師又教我點同大女穿上上衫，哈哈當正式時，唔知點解一聽見佢講，就忍唔住，但唔可以嘅，唔靚啊!

出閣日-上

2013年11月21日

早上6點已經起來，因為2女幫我地化妝的中學同學6點半到達，天都未光，我d狗狂吠…

好在佢上了2樓，我當然要清潔d狗兒大小事，先洗地，好在當日乾燥，成個禾堂到9點幾都乾哂…

7點半大女的化妝師 Nicole Lee 佢都來了，而且8點姊妹都到達…

2女化好妝，就到我了……

隨着大妗同學都到達，煲茶d野等佢做啦!

新郎哥9點由家中出發，9點幾就已經到達在外面影相…… 我地在家中都影相…

當天除了一家五口之外，還有姨甥女 翠殷到來幫手睇住d金和利是，2女大專同學kitman 幫手補飛影相，2女中同化妝 yoyo, 大妗同學Irene , 大女的中同 daisy ，因為佢去年結了婚唔可以做姊妹，還有大女form 7  同學小利來參與，連埋3個姊妹，1個伴娘- 2女，一共14人，還未計男家兄弟和攝影師………好熱鬧……

 

上頭

2013年11月20日

當日的中午還在執屋，自己果層叫做執好，立即執埋2樓，因為大女話在自己果層出門，地方大d，冇禁多雜物 ==| ，其實咪又係收收和收……

我在執屋時佢就穿梭於新界東和西……搬野，物資，衫，回禮禮物去酒樓……最後還去冠南華攞掛，先回家……

我執完，就要扮靚啦，油了指甲， 晚上果餐都係叫pizza 回家食，費事洗碗，哈哈!

大女結婚前的準備

話說大女結婚在淘寶，淘了幾件晚裝和一件婚紗，包括伴娘裙~
反而姊妹在香港做要3百多元一條，淘回來都係2百多 ^.^

在婚前幾日，改窄了伴娘裙，紅色敬酒裙，婚紗不用改因為綁帶一定arm身，之後還把姊妹裙一齊熨了，一共熨了7條裙，熨了2晚!

淘寶-憶紅妝，d晚裝和婚紗都十分arm身，只是夾位要改小幾分，但d料都十分好架!

到會菜單

星期日，在家擺到會，今早了寫菜單，成村人大約15圍到，但係應該唔夠，可能還要多一兩圍呢! 

因為在家擺免除燈油火腊，一圍只需要$4280/席!  普通的菜色一村人都亦不計較的，這樣的話連老的村民都不雖然搭車出酒樓飲啊，又可以全部出席呢! 

通常到會都會食3點，但早上11點左右都會有一餐食，普通餸菜，可能會有蝦仔煮粉絲，亦都可能係門鱔乾煮蘿蔔，加上回門金豬，所以要訂一隻中豬，2千多元! 到時大家可以食啊!

放自己假

話說3星期替工，昨日開始完結，已經回復自由身!

但一件大事又進行得如火如荼，自己放自己一個星期假，來打點大女下星期四大婚事宜，婚後先再繼續吹吹風!

我家的老狗又一傑作

話說老狗上次捉雞，今次佢發現了 …… 

因為16/10 的一個晚上，我另一半回家，每次佢回家，d狗都會偷走，走出去我老爺處 (因為大閘中又有大閘， 出不到街外)……

我餵佢地食飯，但老狗一味吠，對着坑渠吠……

叫佢回家食飯都唔理… 我叫個仔拿電話照下有咩野? 但一d都冇發現………

隨後9點半左右，就聽見5隻狗一齊大吠………我大女出去睇下咩事…… 只聽見女又大叫………我地一同出去，有條蛇卷在小門上面…… 

老狗女還想沖上去咬佢添，當然比我地制止，我立即入屋，攞電話拍個照先……

話雖如此，我地都唔知點做好，因為男主人沖涼中……  佢沖完出來就話唔知咩?  因為平時講野講左都冇人聽得明，在喉嚨'丁'講野…

佢2話不說，用報紙條打暈條蛇，跟著我拿了隻燒烤义比男主人，一义蛇頭，我還怕佢唔死，拿定菜刀出來，準備隨時大刀一揮………最終唔洗我表演………

之後我用2個膠袋包着掉到垃圾站的膠桶中………

我把相比我家姐的朋友睇，原來係銀腳帶，有劇毒的…… 被咬後不痛不養，但會死於無形，不過佢個膽就最好，可以止咳的…… 好都冇用啦，禁夜佢又住荃灣，冇可能叫佢來!