10 Sept. 09
上午
今日準時回到公司, 因為早上多數係做 C.O.D. 單=要即收支票, 所以舊同事自己就做文件先,
好等運輸送貨收票, 而且她又可以教我點出單. 舊同事當然眼明手快, 一時打文件, 一時睇電郵, 一時接電話 (大部份都是講普通話, 係同一時間,
口講電話時, 隻手就打緊文件或睇電郵) 心點只二用, 簡直三, 四用) 問她點解會可以禁快, 原來她是做開物流公司, 再問她點解要走,
在這裡做了幾耐?
答案係: 她在這裡只做了一個月, 因為她發覺這裡做野D 方式( 程序上) 出了問題, 再做都解決唔到, 所以只好離開. 我個心在想係唔係呀?
她說在這裡( 我們的部門中) 做得最長都是 3 個月, 有一個小姐在1號才給人FIRED
因為老細接出口來做時, 和台灣客人定了一個價格為其一年, 但做做下, 才發覺唔夠錢, 所以4 個女仔, 變成3 個, 倉務少一個人男仔,
我們直屬亞頭係一個行行企企, 食飯幾味, 整日入嚟問你, 東得咪, 西得咪, 有時就企在你身後等你份文件. 係個吹命符!
公司中還有一個人都係這類的, 不過他還好D , 因為他冇吹你拿文件. 他其實係老細自己那邊的IT 人.
下午
我們係食 12:30 的, 食飯回來多數準備文件給運輸送下午的貨, 因為給我practise 打的文件
(這裡有兩種文件,其中一隻如果打錯文件, 係唔可以更改, 如果要更改的話係要由台灣一方的客人更改, 另外一種係可以由香港這邊直接更改)
倉務還冇準備好, 所以舊同事教我其他野. 老板娘看見點解見我還坐在舊人旁, 她一問後, 走了出去, 再回來後. 直屬亞頭走入嚟問,
係咪冇單打.......當時他的面口當然唔好啦.......
最後大概3:30 左右才有單打, 打單時都是戰戰兢兢, 好怕打錯, 當然係打得比較慢啦! 一直做到大概 7:45 ,
另外一位小姐問我要唔要杯麵, 今晚一定會好夜, 我返工才第二日點好意思要人地d 野食呀, 而且個人緊張起來係唔會覺得 hungry ,
最後離開係 8:55, 其他2 個女仔走 11:30.她們說公司在 6:30 後會有津貼......有幾多我唔知喎???????
我帶著hungry 和皮盧的眼乘西鐵回家, 到家才9:50, 食完大女給我整的一丁麵, 大概11:00 左右就 zzzzzzzzz
沒有留言:
張貼留言